Don't under estimate the power of a "Common man"

Zindgi ki ek alag hi maya he...
Jin logo ne sikhya sawal puchna 
Un ko hi sawal bana ke rakh diya....
par wo insan bhi samajdaar tha..
jisne uss zindgi se hi kuch sikh liya...


Jaha chalta tha wo hath pakad kar...
Aaj khud ke pero se chalna sikh liya...

Khane ka chid chida pan toh door...
ghum ke ansu pina bhi usne sikh liya...

Dosto ki toli ke bina kahi na nikalne wale 
uss insan ne aaj akele hi nikalna sikh liya...

Samsya leker kahi aur jane se pehle 
khud  hi uss ee suljana sikh liya...

Logo ko samjate samjate.... 
Uss ne khud ko bhi samjana sikh liya....

Gum nam he wo aaj iss duniya se... 
Par apni pehchan banana uss ne sikh liya.....

Unn ankho se bhete huvi apne dukh se... 
usne khud ko hasana sikh liya...

Halato se har kar bhi... 
Uss ne zindagi ko jeena sikh liya ...

Girte Sambhalte  Logo ki himmat toh pehle se hi tha... 
aaj ban ke khud ki hi himmat usne chalne bhi sikh hi liya...

........

Khali pade iss kitab ke pano ko sabdokos ka bhandar do,

Ullje huve apne iss maan ko pyar ke ek bahar do...

Murjaye huve uss ped ko pani ki barsaat do..

Udas bethe apne dosto ko muskurane ki wajah do..

Bhukhe bethe un panchiyo ko khane ka bhandar do..

door bethe wo apne yaar ko pyar ka ek alankar toh do..

ruke huvi jaldhara ko uske behne ka marg do..

bhatke huvi un banjaro ko umeed ki wo aag do...

Jahan kudrat dikhe wahan apne aap ko awaz do...

iss duniya me aaye hi ho toh apne aap ko ek pehchan toh do...

Some wishes

Har kisi ke maan me kuch kuch na khwaish ee rehti he... 

Kuch aise hi chize chalti he mere maan me...

Socha nai he kaha..
par lekar khud ko kahi door jana he ....

Meri zindagi ko mujse milana he...

Wo chehre ki hasi ko wapas lana he..

Khamoshi ke badal ko apne maan se hatana he...

Iss dhadkte dil ko apni beat dhadkana he...

Pyar ke pure samandar me bheeg jana he...

Suraj ki wo chamak ko apni ankho me basana he...

Sapne ne dekhi wo har ek chiz , haqiqat ne khud ko dekhana he...

Pata nai kaise par apne sapne ko sach karke dekhana he ....

Socha nai he kaha...
Par lekar khud ko kahi door jana he
Khud ko khud hi se milvana he....

All you need is to feel

Akshar jo chize hum doondhte he wo aur kahi nahi par humare aas pass hi hoti , 
jarurat hoti he toh bas un chizo me chupe matlab ko mehsos karne ki , 

Aur yahi baat shayad ye kudrat humse kehna chahti he :

Kabhi na khatam honi wali iss soch ke ehsas ko mehsoos karo...

Saanso iss chakrvyuh me khud ki ek aahat mehsoos karo...

Duniya bhar ke shor me soote huve bache ki masumyat ko mehsoos karo...

Chalte chalte inn hawao me rehne wali umeed ko mehsoos karo..

Neele se iss akash me udate huve panchi ki azadi mehsoos karo...

Ghere se inn samandaro me unn bekhof rehti machli ki himmat ko mehsoos karo...

Ghane se jungle me rehte unn panchio ki khoobsurti ko mehsoos karo...

Duniya bhar me doondhne se acha he khud me chupe huve uss  vishwas ko mehsos karo...

Inn sabdo ko padhte padhte apne andar jagi huvi umeed ki wo  roshni ko mehsoos karo....

Some words

Maya nagari ka jaadu chahya...
Khinch ke mujhe ek aise gali le aaya..

Jahan khubsoorti toh charo taraf he hi...
Par mohabaat ne bhi apna ek alag hi rang jamaya....

Chalte chalte shayad kadam thak jaye..
Par ye chahat ka ehsas he jo door door tak he chaya...

Raftaar se sirf toh yahan sirf hawayein chal rahi thi...
Warna ye dil toh tha jo dhire se unki palko pe tha aaya...

Ye toh kismat hi kaho humari..
Jo aaj rab ne hume tumse milvaya..

Milna aur bichadna
Ye toh sab kehne ki baate he...

kuch baat toh hogi ye pal me
Jo aaj ye dil tumse ja ke takraya

Pyar toh hume pehli nazar me hi ho gaya tha..
Par ye dil sala beyiman na jane khud ko kaha chod aaya..

A wish

Khali kalam se likhne ko ji karta he...
kuch bada kam karu aisa dil karta he...

roo roo ke bheg gayi ye palke...ab zor zor se hasne ko ji karta he....
Chalte chalte bohot raste dekhe.. Aj ud ke ye aasman dekhne ko ji karta he...

Dosto se bohot mil liye... aaj khud se milne ko ji karta he....
Dusre ke liye bohot socha par aj khud ke liye hi kuch likhne ko dil karta he... 


Chote chote mukam toh har koi hasil karega.. Par kisi bade mukam pe pochne ko ye ji karta he .....
Koi pasand kare ya na kare bas aj toh likhta rahu aisa ye dil karta he....


Darr darr ke bohot jee liye ye zindagi ko.... Kuch khul ke jeene ko dil karta he. ..

Lines or a poem ?

Doondhne chalo raahe jahan  
wahi pe apni manzil mile aisa zaruri toh nai...

Raste toh har koi bhatak jate he...
Par bhatka huva har ek rasta galat ho aisa zaruri toh nai....

Log milte rehte he
Dost bante rehte he
par sabhi dosto se sachi dosti mile aisa zaruri toh nai...

Pyar kaun nai chata iss duniya me.. 
par har pyar karne wale ko pyar mile aisa zaruri toh nai....

Muskurata har koi he ..
par har kisi ke muskurahat ke piche ek khushi chupi ho aisa zaruri toh nai...

Jagah badal ti...
aur saath hi saath wahan ke log bhi... 
par in sab ke badal ne se rishte bhi badal jaye aisa zaruri toh nai...

Sabd toh lakho he iss duniya me...
par har sabd ka matlab batana bhi toh zaruri nai..

Insomnia effect

Lamhe kahi se suru hote he aur kahi pe khatam...
par in hi lamho me uss ek lamhe ka intazar khatam nai hota....

Badal toh har jagah chahye he...
Par un badalo me se niklti dhoop ka intazar kabhi khatam nai hota ....

Shor toh sab jagah mojud he...
Par iss shor me chupi ek buland awaz ka intazar kabhi khatam nai hota....

Bhid toh roz hi hoti he ...
par iss i bhid me uss pyar ka intazar kabhi khatam nai hota...

Lakho ke iss seher me....chahne wale toh hazaro he...
Par in hi hazaro me wo chahat ka intazar kabhi khatam nai hota...

Maut toh ek din aani hi he sabko...
Par har kisi ki zindagi me ek zindagi ka intazar kabhi khatam nai hota...