માં તારો પ્રેમ તે કેવો પ્રેમ

એક આંસુ પડ્યું શું આંખમાંથી,

તારા વ્હાલનો દરિયો છલકાઇ ગયો..

માં તારો પ્રેમ તે કેવો પ્રેમ,

મારા હ્દયમાં એ સમાઇ ગયો..

જ્યારે બૂમ પાડી મેં ભૂખથી,

તારા હાથનો સ્વાદ છલકાઇ ગયો..

માં તારો પ્રેમ તે કેવો પ્રેમ,

મને હાલરડાં એ સંભળાવી ગયો..

અથડ્યો જ્યારે હું દિવાલથી 

તારો સ્નેહ મારા પર છલકાઇ ગયો..

માં તારો પ્રેમ તે કેવો પ્રેમ,

મારા દુ:ખને એ ભગાવી ગયો..

ભૂલો પડ્યો જ્યારે હું સંસારના રસ્તેથી

તારા લાડથી પાછો હું આવી ગયો..

માં તારો પ્રેમ તે કેવો પ્રેમ,

મને હિમ્મત એ આપી ગયો..

દૂર ભલે હોઉં હું તારાથી,

તારા દિલમાં હું સમાઇ ગયો..

માં તારો પ્રેમ તે કેવો પ્રેમ,

ફરી એકવખત મને નાનકડો બનાવી ગયો..

માં તારો પ્રેમ તે કેવો પ્રેમ,

જે મને સૌથી પહેલો પ્રેમ શિખવાડી ગયો.